قنوات MBC قررت إنها تبدأ عرض نسلسلات رمضان قبل رمضان بيومين، وبكده يقدر أي حد يتفرج على مسلسلات رمضان اللي هتعرضها القناة من النهاردة، ودي تجربة أول مرة تحصل في أي قناة عربية. مصادر من القناة قالت لموقع "مصراوي"، إن الخطوة دي القناة عملتها عشان تجذب أعداد كبيرة من الجمهور من بدري، وتضمن إن المسلسلات بتاعتها هتاخد نسبة مشاهدة عالية، قبل ما الناس تتشغل بباقي مسلسلات الموسم الرمضاني.
المصدر أضاف إن الشبكة مش متعاقدة مع نجوم كبار في رمضان ده زي كل سنة، وكانوا عاوزين يضمنوا نسب مشاهدات وإعلانات عالية تنافس باقي القنوات. المسلسلات اللي هتتعرض بكرة هي "خفة يد" بطولة بيومي فؤاد، وهيتعرض الساعة 7، والجزء الأخير من "سلسال الدم" بطولة عبلة كامل وهيتعرض الساعة 8، ومسلسل "سك على إخواتك" بطولة علي ربيع، هيتعرض الساعة 9.
لسه القناة ماحددتش ميعاد عرض برنامج المقالب "رامز تحت الصفر".
