"رشا رزق" مرشحة لجايزيتين في "الجرامي" 2018

قد لمعت عيناه، بالعزم انتفضت يمناه، يمكن ده اللي ممكن حس بيه كل شاب عربي لما شاف بوست صديقة طفولته "رشا رزق" إنها اترشحت بشكل رسمي لجايزة "الجرامي" العالمية، الجايزة بتتقدم في احتفال شبيه بالأوسكار في شهر فبراير من كل سنة، واللي بيقدمها الأكاديمية الوطنية لتسجيل الفنون والعلوم (NARAS)، ودي واحدة من أكبر 4 جوايز للموسيقى في أمريكا، وفازت المطربة البريطانية "آديل" بخمس جوايز في فبراير 2017، وبيونسيه أخدت جايزتين

 

. . "مؤكد" ترشيح رشا رزق لجائزة الغرامي ضمن فئتين: 1. أفضل فنان جديد 2. أفضل البوم موسيقي عالمي . . #rasha_rizk #grammy #2017 😍😍😍👏🏻👏🏻

A post shared by Rasha Rizk رشا رزق (@rasha_rizk) on Oct 20, 2017 at 6:40am PDT

رشا رزق المغنية السورية مترشحة لجايزتين، Best New Artist، وجائزة Best World Music Album عن آخر ألبوم ليها "ملاك"، لكن ده مش أول عمل ليها، على مدار السنين اللي فاتت قدمت أغاني مسلسلات الكارتون المدبلجة زي عهد الأصدقاء، وكابتن ماجد، وكونان، والقناص، وأبطال الديجيتال وغيرهم، بالإضافة لأغانيها مع فرقتها إطار شمع اللي ابتدوا يغنوا من سنة 1996.