مسجد في البحيرة هيصرف مكافأة ١٠٠٠ جنيه لأي طفل يصلي الفجر ٤٠ يوم ورا بعض

أعلن مسجد ناصر، بمدينة دمنهور، بالبحيرة، عن مسابقة لتحفيز الأطفال من سن 10 إلى 14 سنة، المسابقة عبارة عن إن الطفل لو صلى الفجر جماعة في المسجد 40 يوم بدون انقطاع، هياخد 1000 جنيه مكافأة من المسجد.

الإعلامي محمد علام، عضو مجلس إدارة المسجد، أوضح إن في فاعل خير اتبرع بمبلغ 10 آلاف جنيه للمسابقة لـ10 فائزين، ولو الشروط انطبقت على أكتر من 10 أطفال هتتعمل قرعة بينهم، وتتوزع الجوائز يوم 15 سبتمبر. وأضاف "علام" إن أي طفل عاوز يشترك من أبناء الحي، يسجل في المسجد قبل فجر يوم الأحد 5 أغسطس.