مكافأة مليون جنيه لكل لاعب في منتخب مصر لو صعدنا للدور الـ16 في كأس العالم

مجلس إدارة إتحاد الكرة قال إنه هيرصد مكافآت مالية هتوصل لـ50 الف جنيه على كل ماتش المنتخب يفوز بيه في دور المجموعات، والمكافأة هتوصل لمليون جنيه لكل لاعب في حالة التأهل لدور الـ16 لكأس العالم، وضعف المكافأة دي للجهاز الفني.

الجهاز الفني قال انه بيعمل كده عشان يحفز اللاعيبة عشان يحققوا إنجاز جديد وان ده تعويض عن المكافآت المالية الضعيفة اللي كانت بعد انتهاء تصفيات التأهل لكأس العالم وكانت حوالي 800 ألف لكل لاعب وده خلاهم يغضبوا ويعملوا مشاكل واعتراض ورفض استلام المكافأت.

ماتش دور المجموعات للمنتخب المصري في المونديال هتكون ضد اروجواي يوم 15 يونيو، وروسيا يوم 19 يونيو والسعودية يوم 25 يونيو.