السعودية هتسمح للستات يلبسوا "بيكيني" في منتجع سياحي جديد في البحر الأحمر

ولي عهد السعودية محمد بن سالمان قال -وفقًا للتليجراف- انه هيعمل إقامة منتجع ساحلي سياحي في السعودية بيسمح للستات يلبسوا بيكيني، كجزء من خطة السعودية انها تعمل منتجع فاخر على البحر الأحمر. في نفس السياق كان قال محمد بن سالمان في حوار ليه إن السعوديات مش لازم يلبسوا عبايات. 

التليجراف قالت كمان إن الوجهة السياحية الجديدة هتشمل 50 جزيرة طبيعية، ووفقًا للصندوق الاستثماري العام للمملكة العربية السعودية إن المشروع ده هيخلي السعودية موجودة على خريطة السياحة الدولية، والبناء هيبدأ في 2019 وهينتهي المرحلة الأولى منه في 2022، وهيوصل لمليون زائر سنويًا بحلول عام 2035. 

مشروع البحر الأحمر هو جزء من خطة السعودية 2030، السعودية قالت إنه هيكون بيئة آمنة مفيهاش ممارسات إرهابية، وهيكون معظم الاجانب يقدروا يوصلوا للمنطقة السياحية الجديدة من غير تأشيرة عشان يزود من وجود الزوار.

ممكن تقرأ الموضوع الأصلي من هنا.