إسبانيا هتدرس الديانة الإسلامية بداية من السنة دي

بدايةً من السنة دي، إسبانيا قررت تبدأ تدرِّس المادة الإسلامية في مدارسها عشان يلبّوا احتياجات حوالي 2 مليون طالب مسلم. الموضوع بدأ من سنة لمَّا وافق وزير التعليم الإسباني على تدريس المادة الدينية في مدارس دولته، على أمل إنهم يقدِّموا طرح معتدل من الإسلام يساعد الأجيال القادمة على تقبل الآخر

هيبدأوا مع الأطفال في مرحلة ما قبل المدرسة (3-6) سنين بتلقينهم الشهادة، ومن بعدها هيبدأوا في تدريسهم القيم اللي نزل بيها سيدنا محمد عليه الصلاة والسلام، زي التنوع والمساواة واحترام الآخر. الهدف الحقيقي لتدريس الإسلام هو منع الأطفال من توجيههم للإرهاب في المستقبل.