تمثال اختفى في الأسكندرية والمحافظة عملت نسخة منه في نفس المكان

فيه تمثال اسمه "كاتمة الأسرار" عمله محمود مختار، كان موجود في حديقة نوبار في الأسكندرية، لكن اتفاجئ الناس من سنة واحدة إن التمثال ده اختفى من مكانه بعد تعرضه للاهمال وعوامل التعرية.

النهارده تم وضع نسخة طبق الأصل تانية في نفس المكان في الأسكندرية، ولحد دلوقتي محدش عارف النسخة الأولى راحت فين، لكن المحافظ بيقول إن التمثال اللي اختفى كان مجرد نسخة مقلدة مالهاش قيمة أثرية، ومحدش عارف النسخة التانية هتختفي ولا هتفضل مكانها.