القبض على صاحب دار تحفيظ قرآن علشان استخدمها لتخزين لوازم الشيشة

شرطة المرافق في الدقهلية، ضبطت مخزن شيشة جوَّه دار تحفيظ قرآن في شارع الهدى والنور في المنصورة، واكتشفوا إن المخزن تابع لـ كافيه مش مترخص. وبحسب بيان، خرجت الحملة لـ ضبط الكافيهات المخالفة في حي شرق وغرب المنصورة. الحملة ضبطت واحد من الكافيهات المخالفة "جراند كافيه"، في شارع الهدى والنور بمدينة المنصورة واللي اتضح إنه كافيه مش مترخص وإن صاحب الكافيه أجّر مكان وحوّله لـ دار تحفيظ القرآن جنب الكافيه، علشان يستخدمه في تخزين الشيش والمعسل والليات والفحم، بعيد عن عيون ضباط المرافق.

تمت مصادرة الكميات وتحرير محضر الواقعة وأحيل للنيابة العامة للتحقيق.

الفيديو من موقع المصري اليوم.