Copied
غلق حمام سباحة الجامعة الأمريكية بعد غرق طالب فيه
في هندسة ميكانيكا
20 فبراير 2018
اتوفى امبارح الطالب "أحمد عبد العزيز"، طالب كلية الهندسة في الجامعة الأمريكية، بعد ما غرق في حمام سباحة الجامعة. الإدارة بتقول إن المسعفين بسرعة اتحركوا لإسعاف الطالب ومحاولة إنقاذه.
الفريق الطبي عمل إجراءات الإنعاش للقلب والرئتين CPR، عشان الطالب ماكانش بيتنفس وماكانش فيه نبض. بعدها اتجهوا بالإسعاف لمستشفى الدفاع الجوي في شارع التسعين. الدكتور "محمد أمين"، مدير الإدارة الطبية بالجامعة، اتكلم مع مدير المستشفى لإبلاغه بإن حالة خطيرة في الطريق ليه، ووصلت بالفعل للمستشفى في ٧ دقائق.
الجامعة فتحت تحقيق في الموضوع لكن لحد دلوقتي تفاصيل الحادثة مش معروفة، والبيان اللي صدر عن الجامعة مكتوب فيه "وجد فاقدًا للوعي في حمام السباحة".
- الموضوع اللي فات مدرسة في بورسعيد عاملين مسابقة "The Voice" لأحلى صوت بيقرا قرآن
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
