مريضة بالإيدز انتحرت بعد أهالي المنطقة ما أجبروها تعزل

شابة في منطقة بولاق الدكرور، انتحرت بعد ما أهالي المنطقة اكتشفوا إصابتها هي وجوزها بمرض الإيدز. القصة إن من 6 شهور في زوجة اكتشفت إنها مصابة بالمرض، واتنقلتلها العدوى من جوزها، اللي كان بيتعاطى مخدرات بحقن ملوثة. الزوجة والزوج أخفوا حقيقة مرضهم، لكن بالصدفة أهالي المنطقة اكتشفوا وعملوا جلسة عرب، حكموا فيها على الزوج والزوجة وأطفالهم الاتنين، إنهم يسيبوا المنطقة ويروحوا مكان تاني.

الزوج قرر يسمع الكلام وينفذ ونقل أولاده لبيت والدته، لكن الزوجة، اللي كانت معترضة، رمت من الدور الخامس وأنهت حياتها. التحريات أكدت عدم وجود شبهة جنائية، وأخدوا أقوال الزوج، اللي قال إن حالتها النفسية السيئة كانت سبب في انتحارها. الجثة اتنقلت للمشرحة وطلعلها تصريح دفن، ونتمنى أهالي المنطقة يكونوا مبسوطين.