سيلفستر ستالون هيشارك يوسف منصور بطولة فيلمه الجديد

يوسف منصور، نجم أفلام الأكشن في التسعينات وبطل مصر السابق في الكونغ فو، كان أعلن من فترة قريبة إنه راجع تاني للسينما بفيلم أكشن، هيلعب فيه دور حاس لأحد المعابد الفرعونية، بالإضفة لإعلانه إن النجم العالمي مرجان فريمان معجب بالفيلم وهيشارك في بطولته. الجديد بقى إن مورجان فريمان مش هيكون النجم العالمي الوحيد المشارك في بطولة الفيلم، بعد ما سيلفيستر ستالون وافق بشكل مبدئي على لعب دور رئيس العصابة الأجنبي اللي بيحاول يسرق كنوز فرعونية ويهربها وبيتصدى ليه يوسف منصور.

"منصور" صرح إن الفيلم ده هيكون بداية لسلسلة أفلام شبيهة بسلسلة "باتمان"، وكل نسخة في نجم مصري هيلعب دور البطولة، كمان أكد إن الفيلم هيكون فيه ممثلين مصريين معروفين و3 وجوه جديدة. آخر فيلم ليوسف منصور كان فيلم "بدر" إنتاج سنة 2001 مع لطفي لبيب وإنجي عبدلله.