"مطار سفنكس" مطار جديد جنب الأهرامات

وزير الطيران المدني المصري "شريف فتحي"، أعلن إن مطار سفنكس الجديد هيشتغل الصيف الجاي. المشروع بدأ تنفيذه من سنة في الكيلو 45 على طريق مصر إسكندرية الصحراوي، وهيتكلف 300 مليون جنيه. المطار هيستقبل 300 مسافر في الساعة وهيكون الغرض الرئيسي منه، استقبال السياح اللي عايزين يزوروا أهرامات الجيزة والمتحف المصري الجديد لمدة يوم واحد. كمان المطار هيستقبل رحلات الطيران العارض اللي مش موجودة على جدول مطار القاهرة.