دار الأوبرا هتكرم شادية بحفلة الأسبوع الجاي

امبارح ودعنا الفنانة شادية، بعد وفاتها نتيجة أزمة صحية. دار الأوبرا المصرية قررت تحتفي بشادية على طريقتها الخاصة.

علشان كدة، قررت الدكتورة إيناس عبدالدايم، رئيسة دار الأوبرا المصرية، بعد موافقة وزير الثقافة الكاتب الصحفي، حلمي النمنم، تخصيص حفل فرقة عبدالحليم نويرة، للموسيقى العربية بقيادة المايسترو أحمد عامر، واللي هيكون يوم الخميس 7 ديسمبر، على المسرح الكبير، وحفل فرقة أوبرا الإسكندرية للموسيقى والغناء العربي، بقيادة المايسترو عبدالحميد عبدالغفار، علي مسرح سيد درويش تحت عنوان "وداعًا شادية".

 

 

الحفلة بتاعت القاهرة كانت أصلا مترتب إنهم يكرموا فيها الفنان الراحل كمال الشناوي، وبسبب وفاة شادية، هتكون الحفلة لتكريمهم الاتنين مع بعض.