غطاس مصري بيحضر لأطول غطسة في التاريخ

صدام كيلاني، مدرب غطس عنده 28 سنة، اتخرج من كلية سياحة وفنادق، وبدأ تمريناته للغطس وقدر يحقق أطول غطسة في الشرق الأوسط واللي كانت 76 ساعة متواصلة تحت المية، علشان يوصل لده احتاج "صدام" إنه ياكل ويشرب وينام تحت المية ويتدرب عليهم كتير، وبعدها قرر يبدأ خطوته الجاية.

صدام كيلاني بيحلم إنه يغطس أطول غطسة في التاريخ، واللي هتكون 150 ساعة، يعني 5 أيام أكل وشرب ونوم تحت المية، علشان يكسر الرقم العالمي المسجل في موسوعة جينيس. الغطسة هتكون في اللايت هاوس في دهب، وقبلها هيكون فيه غطسات تجريبية واحدة منهم 120 ساعة عشان يحضر للغطسة الأطول.

"صدام" لسه بيدور على اللي بيدعم فكرته ويشجع أطول غطسة في التاريخ.