وزارة التعليم هتخصص حصة أسبوعية للتوعية ضد التحرش بالأطفال

الأسابيع اللي فاتت انتشر فيديو لوجود واقعة تحرش جنسي بين طالبين في مدرسة في مدينة نصر، مديرية تعليم القاهرة طلعت بيان نفت فيه الفيديو ده وقالت إن المدارس في اجازة نص السنة والصورة والفيديو المنتشر مكانهم مش موجود في المدرسة دي. 

المتحدث باسم وزارة التربية والتعليم أحمد خيري قال إن الوزير طارق شوقي أصدر تعليمات بأهمية توعية الطلاب بأخطار التحرش، وازاي يدافعوا عن نفسهم وازاي يمنعوا ده من خلال حصة في المدارس الأسبوع الجاي، وممكن تتكرر أسبوعيًا لحد ما تبقى حصة ثابتة.

المركز القومي للأمومة والطفولة قال إن 33 % من الأطفال في القاهرة اتعرضوا للتحرش الجنسي سواء عن طريق اللمس أو اللفظ.