أول محجبة مصرية بتشارك في برنامج الطبخ الكندي "MasterChef"

المصرية "ريم أحمد" هي أول مسلمة محجبة مصرية في برنامج الطبخ الشهير MasterChef كندا، البرنامج هيبدأ عرضه يوم ٣ أبريل على قناة CTV."ريم" درست  الهندسة الطبية في جامعة ريريسون Ryerson في كندا، وتم الإعلان عنها ضمن أفضل 21 طباخ مشارك في البرنامج.
بعد ما مر 10 سنين على وجود "ريم" في كندا، وبعد ما اتخرجت من كلية الهندسة. كانت شايفة إن الهندسة ميزة إيجابية ليها عشان قدرت تستخدم مهاراتها العقلية اللي اكتسبتها في دراستها وتدخلها في الطبخ، عشان فيه كتير من المهارات التحليلية اللي اتعلمتها وقت دراستها قابلة للتطبيق على الطبخ."ريم" بتحلم انها تفتح مطعم خاص بيها وتسميه "الهرم".