سمر السلطان.. أول بنت سعودية تشتغل في فيسبوك

الشابة السعودية سمر السلطان، بقت رسميًا أول سعودية تشتغل في شركة فيسبوك، بعد ما بدأت شغلها في الشركة بداية الأسبوع اللي فات. سمر مسؤولة عن تقديم الاستشارات للشركات المتوسطة والصغیرة، وتعرفهم ازاي يقدروا يستخدموا خدمات فيسبوك وانستجرام في التسويق لنفسهم ومنتجاتهم.

علشان سمر تتقبل في فيسبوك، احتاجت تعدي 7 مقابلات عمل، وقالت سمر لصحيفة "اليوم" السعودية، إنها اتخرجت من جامعة الملك فيصل ودرست ماجيستير اقتصاد عالمي وتجارة دولية في أيرلندا، وقالت كمان إنها كان عندها عروض شغل من شركات عالمية، زي "فيسبوك" و "جوجل"، بس هي اختارت فيسبوك علشان شايفة إنها هتكون مؤثرة في الشركة وهتسيب بصمتها في وقت قصير. عيلة سمر هما الداعم الأول ليها،، خصوصًا والدها.