أول متحف للعملات التذكارية في مصر

الدكتور محمد معيط وزير المالية اتفقد التجهيزات اللي بتتعمل دلوقتي عشان تأسيس أول متحف للعملات التذكارية بمصر، المتحف ده هيحتوي على مجموعة من الإصدارات التاريخية المتداولة من سنة 1950 وهيكون فيها فئات مختلفة من العملات المعدنية اللي بتمثل تاريخ الدولة من العهد الملكي مرورًا بثورة يوليو 1952 ولحد دلوقتي.

وزارة المالية قالت إن المتحف يتضمن مجموعة من الأوسمة والقلادات والميداليات والدروع من إنتاج مصلحة سك العملة، وأهمها وسام الجمهورية من الطبقة الأولى، وقلادة الجمهورية، وقلادة النيل.

وقال شريف حازم، مستشار وزير المالية، إن الركن الخاص بالمحفظة الملكية للملك فاروق يمثل قيمة خاصة، عشان فيه الاصدار الأول رقم 1 من عدة عملات ورقية مصرية نادرة، مثل الجنيه المصري ذو الجملين.

 مصلحة سك العملة تقوم حاليا بتصميم العديد من العملات الخاصة بإحياء ذكرى المناسبات والشخصيات التاريخية لإصدارها خلال الأعوام القادمة، منها مرور 100 عام على ميلاد الرئيس جمال عبد الناصر، و150 عاما على ميلاد طلعت حرب مؤسس بنك مصر، و150 عاما على افتتاح قناة السويس، و100 عام على تأسيس الجامعة الأمريكية وغيرها من الأحداث التاريخية الهامة.