مصر صدرت برتقان وبصل ب140 مليون دولار في شهر مايو

الجهاز المركزي للتعبئة العامة والإحصاء أعلن عن حجم التجارة الخارجية لمصر في شهر مايو 2017، يعني قالوا صدرنا إيه وبكام؟ اكتشفنا بقى إن صادرات مصر من البرتقال والبصل ومنتجات الألبان والسجاد وصلت ل140 مليون دولار، ورغم الرقم الكبير ده، إلا إننا في نفس الشهر السنة اللي فاتت كنا مصدرين ب150.5 مليون دولار، يعني تراجعنا حوالي 10 مليون دولار.

نشرت الجهاز قالت بالتفصيل إننا صدرنا برتقان في مايو 2017 ب57 مليون دولار، والسنة اللي فاتت في نفس الوقت، كنا صدرنا برتقان ب60 مليون دولار تقريبًا. البصل تصديرنا وصل منه 29.5 مليون دولار فى مايو 2017، وكان 34.3% مليون دولار في مايو 2016. الصادرات كمان فيها سجاد وكليم ومنتجات ألبان. السجاد صدرناه بقيمة 24.5 مليون دولار، أقل حوالي مليون دولار عن السنة اللي فاتت. بس رضا.