اكتشاف أقدم قطعة جبنة في العالم بمقبرة فرعونية

من 8 سنين، اكتشف فريق من علماء الآثار في جامعة كاتانيا الإيطالية وجامعة القاهرة، مجموعة من الجرار المكسورة في مقبرة من المقابر الفرعونية، واحد من الجرار أو الأواني دي كان بيحتوي على مادة بيضا غير معروف مصدرها أو مكوناتها. يوم الجمعة الفريق ده أعلن إن المادة البيضا دي عبارة عن قطعة جبنة عمرها 3200 سنة، وبكده تكون دي أقدم قطعة جبن صلبة تم اكتشافها في التاريخ.

إنريكو جريكو، المشرف على البحث، قال إن العلماء اشتبهوا في إن المادة دي نوع من أنواع الغذاء، بسبب طريقة حفظها داخل المقبرة. بعد التحاليل اكتشفوا إنها جبنة. قطعة الجبنة دي بتنتمي للكاتب الملكي لرمسيس التاني "بتاح مس"، رئيس كهنة آمون وعمدة مدينة ممفيس.

بتقول صحيفة «نيويورك تايمز»، الأمريكية، إن الجبنة غير ملعونة، بس لازم فريق العمل ياخد باله ويحترس، خصوصًا إن التحليل كشف عن وجود بكتيريا ممكن تسبب حمى.