جامعة المنصورة اكتشفت حفريات ديناصورات كانت عايشة في مصر

فريق من الجيولوجيين المصريين بقيادة الدكتور "هشام سلام" مؤسس مركز المنصورة للحفريات اكتشفوا نوع جديد من الديناصورات كان عايش فى مصر فى العصر الطباشيرى. الاكتشاف كان فى منطقة الواحات و يعد ده اول اكتشاف لديناصور عاش فى مصر على ايد علماء مصريين. فريق الاستكشاف ضم بجانب دكتور "هشام" تلاميذته "سناء السيد" و "إيمان الداودي"و"سارة صابر"ورحلة البحث استمرت 5 سنين ورحلة التنقيب استمرت ثلاثة اسابيع.  الديناصور تم تسميته "منصوراصورس"    Mansourasaurus shahinae نسبة إلى جامعة المنصورة اللي بينتمي اليها فريق العلماء. "المنصوراصور" هو نوع من "التيتانوصرات" اللي هى الديناصورات العملاقة, و تركيبته الجسدية اقرب للديناصورات اللي تم اكتشافها فى اوروبا و أسيا. 

وبحسب دراسة نشرت اليوم -الاثنين- في مجلة نيتشر العلمية إن ده نوع جديد تمامًا من الديناصورات، الديناصور عاش حوالي 75 - 70 مليون سنة وطوله 10 متر ووزنه 5 طن، يعني طوله قد اوتوبيس مدرسة ووزنه قد الفيل. والديناصور ده بيحل لغز اختفاء الديناصورات في إفريقيا عشان كل الحفريات اللي تم اكتشافها قبل كده بتنتمي للفترة الزمنية بين 100 - 90 مليون سنة بس، وده بعيد عن زمن الانقراض حوالي 25 سنة.