فنانة سويسرية بتحكي جمال بيروت باللوحات

من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ، لست الدنيا سلام، مفيش حد يروح بيروت غير لازم تأسر قلبه، ومش شرط يكون عربي، المصممة والرسامة السويسرية "Seraina Noetzli" لما سافرت بيروت وقعدت فيها كذا مرة غير حبها ليها، كانت كمان مفتونة بالتنوع الكبير جدا والتناقضات، الجديد مع القديم، الرومانسية مع القسوة، قصص وحواديت الناس اللي في الشبابيك والحيطان، بدأت "Seraina Noetzli" تنشر رسوماتها على انستجرام والناس حبتها جدا واتفاعلوا معاها.

 

A post shared by SERAINA NOE (@serainanoe) on Oct 14, 2017 at 5:53am PDT

سيرينا بقت تمشي في الشوارع بين البيوت والبشر وعينيها تسجل كل اللي بتشوفها، وتتشبع روحها بيها، وتنقلها بعدها لرسوماتها اللي اتحولت لسلسلة عن بيروت سمتها "Beirut Contrasts"، وبمجرد ما انتشرت والناس ابتدوا يسألوها إزاي يقدروا يشتروها، في البداية ما كانتش بتبيع بس ابتدت تتجه انها تطبعهم عشان تبقى متاحة للناس اللي حابين يشتروها.