موقع ممكن تسمع عليه مزيكا أي بلد في العالم من سنة 1900 لحد النهاردة

الناس علاقتها بالموسيقى اختلفت على مر العصور، طول عمرهم بيغنوا ويسمعوا مزيكا، لكن لما الراديو ظهر بقت الموسيقى متاحة لناس أكتر من طبقات مختلفة، وبعد كدة لما التلفزيون بقى منتشر عند الناس، بقوا يقدروا يسمعوا مزيكا ويتفرجوا عليها كمان. النت بقى خدنا لمرحلة جديدة، وخلاك تقدر تتفرج وتسمع حاجات من زمان عمرك ما عيشته ولا كنت هتعيشه، مثال على كدة موقع radiooooo.com

افتح الموقع، هتلاقي خريطة، خريطة كبيرة للعالم كله، اضغط على أي مكان يعجبك على الخريطة، وهيكون عندك أوبشن تسمع مزيكا البلد دي، مش بس المزيكا العادية، دي المزيكا من سنة 1900 لغاية النهاردة. 100 سنة كاملة من المزيكا والفن والتاريخ، إشي خيال.