داعش بتهدد ميسي ونيمار بالقتل في كاس العالم

داعش مش عاوزة تسيبنا نلعب كاس العالم. تهديدات التنظيم الإرهابي الدولي مستمرة، وبينشروا صور لنجوم كورة عالمين ويهددوا بمهاجمتهم ومهاجمة ملاعب بطولة كاس العالم. بعد صورة ميسي اللي كان فيها مسجون وعنيه بتنزل دم مش عارف ليه يعني، عملوا صورة تانية فيها ميسي ونيمار.

صحيفة "ماركا" الإسبانية نشرت صورة بيظهر فيها مقاتل من داعش وهو ماسك راس نيمار وبيستعد لدبحه، وميسي جنبه مدبوح ومرمي على الأرض. وسبق للتنظيم إنهم نشروا صورة عليها لوجو كاس العالم 2018 في روسيا، ومكتوب جنبها انتظرونا. واحنا من هنا بنقول لداعش لا يا داعش ومهما عملتوا هنشوف مصر في كاس العالم برضه