تركيا هتعاقب المعتدين جنسيا على الأطفال بإخصاء كيميائي

القضاء التركي قرر يطبق عقوبة الإخصاء الكيميائي على المعتدين على الأطفال جنسيًا. العقوبة سبق وتم إدراجها في القانون التركي في يوليو 2016، لكن مجلس الدولة أوقف تنفيذها بحجة إن تعريفها ضبابي وغير واضح. لكن اتفتح الموضوع تاني بسبب اغتصاب طفل تركي على إيد شاب عنده 20 سنة، وده اللي فتح باب المناقشة حوالين العقوبة تاني.

وزير العدل التركي عبد الحميد غول، قال إنه هيسيب المحكمة تحدد الحالات اللي تطبق فيها العقوبة، علشان يمنعوا النوع ده من الجرايم، وحسب موقع "DW" باقي الإجراءات المتبعة هيتم الكشف عنها اليومين الجايين. بعض المنظمات الحقوقية التركية عارضت العقوبة وقالت إنها مخالفة لحقوق الإنسان ولا مع القوانين المعاصرة.