طفلين سوريين في مصر بيحولوا اللعب القديمة لعربيات بتمشي بريموت كنترول

عدنان أحمد برازي (14 سنة) ومحمد حسونة (12 سنة) طفلين سوريين لاجئين في مصر قدروا يحافظوا على موهبتهم في اختراع وتصميم الألعاب الإلكترونية، اللي اكتسبوها من 7 سنين. (عدنان) موهوب في إنه بيقدر يعيد تصميم وتحويل ألعاب السيارات اللي بتمشي بشكل يدوي لـ سيارات كهربائية بتمشي بريموت كنترول، وحاليًا هو بيشتغل على نموذج مركبة فضائية مصغر، بيطور فيها نظام القيادة الآلية ودقة تصوير الكاميرات عشان يقدّم صورة واضحة أكتر.

بالنسبة لـ (محمد)، بيصمم الألعاب بشكل كامل من مواد بيئية زي الكارتون. (محمد) صمم سيارة من ورق الكارتون وضاف ليها الموتور، واستخدم بطارية الموبايل ومسامير عشان تكون هي الريموت الكنترول للسيارة.

المصدر: إرم نيوز