مصورة سورية فازت بجائزة "روري بيك" بعد تصويرها أخر مستشفى في حلب

وعد الخطيب مصورة سورية قدرت تصور حرب حلب واللي كان بيحصل فيها في نوفمبر 2016، صورها لفت العالم كله واعتبرها العالم توثيق للمجزرة دي، ودلوقتي "وعد" بتتكرم بجائزة روري بيك البريطانية اللي بياخدها أفضل مصورين الفيديو المستقليين في العالم، لأنها صورت فيديو بعد قصف قوات النظام السوري لمستشفى حلب.

لجنة التحكيم قالت إن الفيديو أظهر فظائع الحرب وإنهم شافوه 5 مرات على الأقل وكل مرة بيتأثروا كأنها الأولى، الفيلم كان بيدور عن ولد صغير متغطي بالتراب ومخضوض من القصف وبتحاول ست تهديه لحد ما تكتشف إن كل أولادها اتقتلوا. "وعد" قالت إنها كانت مهتمة إن القصة توصل لكل الناس ويعرفوا اللي بيحصل في سوريا.