بريطانية من أصل عربي زرعت قلب صناعي بتشيله في شنطة على كتفها

اتحولت حياة "سلوى حسين" بشكل جذري بعد ما عملت عملية جراحية، وبقت شايلها قلبها على كتفها حرفيا، في حالة نادر إنها تحصل على مستوى العالم، نشرت "ديلي ميل" إن "سلوى" خرجت من عملية جراحية مدتها 6 ساعات، من غير قلب في جسمها، وبقت شايلة قلبها في شنطة على كتفها، وهتضطر تتحرك بيها في كل حته، عشان تقدر تعيش، وإلا تموت فورا

الحالة بتاعة "سلوى" هي التانية في تاريخ بريطانيا بحسب كلام الدكاترة، وعايشة حاليا بشكل طبيعي، وبتتنقل بشكل طبيعي بدون مشاكل، وبتمارس شغلها العادي.

القلب الصناعي اللي شايلاه سلوى وزنه 6.8 كجم، وشغال ببطارية كهربية، هي اللي بتشغل القلب الصناعي، بالإضافة لمضخة وموتور الكتروني، والجهاز اللي في الشنطة بيعمل نفس اللي بيعمل القلب الطبيعي، وبيضخ الدم في كل الجسم، وبيشغل الدورة الدموية

"سلوى" أم لطفلين وساكنة في منطقة "الفورد" شرق العاصمة البريطانية لندن، وكان جالها فشل في القلب في شهر يوليو اللي فات، فاتنقلت علطول لمستشفى "هارفيلد"، وبعدين اتنقلت للولايات المتحدة.