أردني يحول سيارة "خنفسة" لأصغر فندق في العالم

ماتستغربش لو أنت ماشي في الأردن ولاقيت سيارة "خنفسة VW Beetle" مكتوب عليها "أصغر فندق في العالم"، دي فكرة محمد الملاحيم اللي عنده 64 سنة وقرر يستضيف الضيوف اللي بيزوروا قريته الصحراوية في سيارته القديمة.

محمد الملاحيم المعروف باسم "أبو علي"، عاش واتربى في القرية دي وقرر يبدأ مشروع جديد ويخلي بلده على الخريطة السياحية ويحسن رزقه. كانت فكرة الفندق اللي تم تصنيفه عالميًا إنه اصغر فندق في العالم. "أبو علي" بيقول إن الاقامة عنده بتساوي الإقامة في فندق 5 نجوم وإن البيت مفروش بالوسائد اليدوية، وفيه مكان لفردين فقط.

لو روحت الفندق ده بعد ما تخلص، ممكن تشتري هدايا تذكارية من مكان مخصص للتحف والمجوهرات والأحجار الكريمة. ولو مالقيتش مكان تبات، في وجبات بيقدمها زوجة "أبو علي" وبناته. الليلة في المكان بالأكل بتتكلف 40 دينار أردني يعني حوالي 56 دولار 

"أبو علي" بيحلم يشتري سيارات تانية من نفس النوع ويعمل مجمع فنادق صغيرة.