Copied
يوتيوب هيوظف 10 آلاف شخص لمراقبة المحتوى غير اللائق
بس؟
08 ديسمبر 2017
يوتيوب هيعين 10 آلاف موظف جديد في 2018 حسب اللي نشرته وكالة رويترز. موقع الفيديوهات الأشهر على مستوى العالم، بيحاول يعمل آلية جديدة علشان يمنع المحتوى غير اللائق من الظهور والانتشار، ولإن العالم دلوقتي كله بيستخدم يوتيوب وبيرفع فيديوهات عليه، فال10 آلاف دول هتكون كل مهمتهم هي التدقيق في المحتوى والتعامل مع أي فيديو غير لائق.
سوزان وجسيكي، الرئيسة التنفيذية ليوتيوب، قالت إن الهدف من زيادة عدد العاملين هو فحص أي محتوى مخالف لسياستنا، وإن ده استجابة لانتقادات كتيرة جات للموقع بسبب مقاطع بتحرض على العنف أو الكراهية. يوتيوب كان طور برنامج آلي علشان يرصد أي مقاطع فيها عنف أو كراهية، ودلوقتي كمان مستعدين يتعاملوا مع كومنتات المستخدمين على المحتوى بالتعديل والحذف.
- الموضوع اللي فات فيسبوك منع كومنتات ستات على هاشتاج Me TOO علشان فيها كراهية للرجالة
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
