نقل حديقة حيوانات الجيزة للعاصمة الإدارية

وزارة الزراعة واستصلاح الأراضي بتدرس نقل الحيوانات اللي بتأكل اللحوم في حديقة الحيوانات بالجيزة لصحراء العاصمة الإدارية الجديدة، والابقاء على الطيور والحيوانات العشبية بس في حديقة الجيزة. في خطوة لإقامة حديقة مفتوحة، زي اللي بيحصل في الدول الإفريقية وجميع دول العالم.

وقال الدكتور إبرهيم محروس، رئيس الهيئة العامة للخدمات البيطرية، إن الحديقة مطلوب لها مساحات كبيرة لعمل حديقة حيوان حديثة بنظام حديقة مفتوحة للحيوانات، مع تأمين الزائرين بها، وده بطبيعة الحال محتاج استثمارات ضخمة خصوصًا إن مصر مافيهاش مقومات الحدائق المفتوحة غير المكلفة زي الدول الافريقية، كطبيعة الغابات وسقوط الأمطار.

وقال" محروس" لموقع "الدستور " إنهم انتهوا من دراسات نقل الحديقة لمنطقة السادس من أكتوبر، ولسه الدراسات في الأدراج بس لحد دلوقتي، وأشار لإن الحديقة محتاجة توسعات في الصحراء، سواء العاصمة الادارية أو السادس من أكتوبر.

جدير بالذكر إن حديقة حيوان الجيزة أو جنينة الحيوانات اتأسست سنة 1891 ميلادي، وهي أكبر حديقة للحيوانات في مصر والشرق الأوسط. وتواجه بوابتها الرئيسية شارع شارل ديجول في القاهرة.