كرافانات بدل أوض المدرسين في مدرسة بالدقهلية

بسبب الكثافة العددية في الفصول الدراسية، مدرسة "طلخا المتميزة 2" الرسمية للغات، في الدقهلية، عملت "كرافانات" للإدارة والمدرسين، بدل من الأوض والمكاتب، علشان ياخدوا أوض المدرسين ويعملوها فصول، بعد موافقة هيئة الأبنية التعليمية. "بنان أفلاطون" مديرة المدرسة بتقول إن الكرافانات فكرة بديلة لأوض االمدرسين وأوض الأنشطة، علشان يقدروا يتخلصوا من كثافة الفصول، ويوصلوا للمعدل القانوني وهو 35 تلميذ في الفصل.

تم تنفيذ 3 كرافانات بعد ما ارتفعت الكثافة فى مرحلة (KG1 وKG2) ل45 تلميذ، وهيتم استغلال فصول المدرسين للتدريس للطلاب ونقل المدرسيين أو الإداريين لكرافانات.