مهندس مصري بيدير الشركة اللي بتحكم الإنترنت في العالم

في نوفمبر الحالي، اتعين "شيرين شلبي"، المصري البريطاني المولود في القاهرة، رئيس مجلس إدارة لشركة ICANN، شركة آيكان هي منظمة غير هادفة للربح اتأسست سنة 1998، ومهمتها إنها توزع وتنظم وتدير عناوين الآي بي، وإنها تعمل أسماء المواقع زي (.com و .info) في كل دول العالم.

عشان توصل لأي شخص في العالم سواء عن طريق الإيميل أو عن طريق الويب سايت، فأنت بتكتب عنوان الشخص، شركة آيكان هي اللي بتنظم العملية دي، بحيث كل شخص في العالم يبقاله عنوان خاص بشكل مستقر وآمن، يقدروا يتواصلوا من خلاله، ومن غيرهم الإنترنت كله ينهار.

شيرين شلبي اتخرج من مدرسة الجيزويت في القاهرة سنة 1969 واتخرج من هندسة القاهرة سنة 1974، في ديسمبر 2010 "شيرين" انضم لعضوية مجلس إدارة شركة "آيكان" عشان يبقى رئيس مجلس الإدارة من أيام، ويبقى أول مصري يوصل للمنصب ده.