عرض الجزء التاني من مسرحية "العيال كبرت" في نص يناير

سنة 1977، بدأ عرض مسرحية "العيال كبرت"، المسرحية اللي كسرت الدنيا، وبنستناها دلوقتي كل ما تيجي في التليفزيون عشان نتفرج عليها تاني، مجموعة من الشباب قرروا يعملوا مسرحية "العيال رجعت" عن أحفاد عيلة السكري.

المسرحية الجديدة من تأليف علوي الحسيني وقصتها عن أحفاد رمضان السكري، وهتظهر فيها نادية شكري اللي عملت دور "سوسو" في العيال كبرت، وهي الفنانة الوحيدة من الطاقم اللي فات اللي هتشارك في العرض، المسرحية هتتعرض على مسرح النهار التابع لنقابة المهن التمثيلية وبدعم من أشرف زكي نقيب الممثلين، في نص يناير الجاري.