أب في الأردن رفض ياخد ابنه المولود من المستشفى علشان الفاتورة غالية

أب في الأردن، رفض يستلم ابنه اللي لسه مولود، عشان فاتورة المستشفي جت أكتر من اللي اتفق عليه وبلغته بيه مراته. الموضوع ابتدى لما الزوجة اتصلت بجوزها وقالتله إن تكلفة الولادة هتبقي 250 درهم ووافق يدخلها المستشفى، بعدها اكتشف إن المستشفى طلبت ألف درهم عشان الولادة كانت قيصرية. الأب لما عرف، يلغ المستشفى بإنه اتفق على مبلغ معين وماعهوش غيره، وخد مراته من المستشفى وساب الطفل، وطلب من المستشفى تربي الواد وتاخد بالها منه عشان هو مش هيقدر يدفع الفاتورة. الإدارة حاولت تتفاوض مع الأب اللي أصر يسيب ابنه لحد ما يقسطوا المبلغ أو يوصلوا لحل يرضي الطرفين.