أهل المطرية عرضوا هدوم ببلاش في الشارع للمحتاجين

نقلا عن موقع "مصراوي"، بدأ الحاج "محمد الدقاق" ومجموعة من صحابه في المطرية، إنهم يجمعوا هدوم زايدة عن احتياجاتهم، وعرضوها على الناس بالمجان في شارع من شوارع المطرية، بحيث أي شخص محتاج يقدر ياخد اللي يناسبه، شرط تكون قطعة واحدة. واحد من القائيمين على الفكرة قال في برنامج "مساء DMC"، إنهم فكروا بشكل مبدئي إن كل شخص ياخد قطعة واحدة مجانًا، لكن لما الفكرة تكبر ويبقى في عدد هدوم أكبر، كل اللي محتاج حاجة يقدر ياخد اللي هو عايزه، وقال إن الهدف هو الخير للناس، بسبب ظروف المعيشة الصعبة اللي بيمر بيها المجتمع حاليُا، فكروا إنهم يقدموا المساعدة للناس. 

الناس في الشارع ماكنوش مصدقين، واحد من اللي قايمين على الفكرة بيقول إن شخص من الشارع سأله "فين التريكة؟!" مش مصدق إنه ببلاش فعلا وأكيد الموضوع وراه حاجة تانية، لكن صحاب الفكرة بيقولوا، اللي بيجيب الهدوم بيبقى فرحان واللي بياخد الهدوم بيبقى فرحان واحنا فرحتنا بتبقى فرحتين.