أفغانية صممت نقاب من الحلويات تقدر تاكله

واحد من أكتر الأزياء المثيرة للجدل في العالم الغربي هو النقاب اللي بيغطي جسم الست كامل من الراس لحد الرجلين بإستثناء العينين، اللي ساعات بيبقى عليها "بيشة"، المصورة الفوتغرافية الأمريكية الأفغانية "بهناز بابازاده" حست إنه عايزه تتحدى المنظور ده، فقررت تعمل نقاب أو "برقع" صالح للأكل، بتسلط الضوء على خوف العالم الغربي وغير المسلمين من الزي التقليدي في عمل فني مبتكر

المصورة الأفغانية الأمريكية نقلت حياتها من أفغانستان لأمريكا مع أسرتها في سن صغير جدًا، ومن المعروف إن الزي التقليدي للستات في أفغانستان هو النقاب اللي بيغطي الجسم كله، فاكتشفت لما وصلت أمريكا إنها مش محتاجة تلبسه، لكن بعد أحداِث 11 سبتمبر حست إنها محتاجة تكتشف ثقافتها الأفغانية بشكل أفضل، واللي مايعرفش عنها حاجة المجتمع الأمريكي.

عملت "بهناز بابازاده" مجموعة من تصميمات "البراقع"- النقاب- بأشكال مختلفة باستخدام أنواع حلويات بتحبها، زي عرق السوس بنكهة الفاكهة، وغزل البنات، وفي مشروع منهم استخدمت أكتر من 500 قطعة جيلي، علشان تقدر تعمل تمثال بحجمها

أما مشروعها الأخير، فقررت إنها تصور نفسها لابسة البرقع الأزرق التقليدي الأفغاني في بيئات أمريكية مختلفة، علشان تخوض مناقشات مع الأمريكيين عن حضارتها الأفغانية.