دبي عملت أبليكشن يعرفك كل مكونات الوجبة اللي هتاكلها

في مؤتمر دبي الدولي لسلامة الأغذية، اللي اتعقد من 19 لـ 21 نوفمبر، تم إطلاق منصة رقمية باسم Food Watch. المنصة بتشمل أبليكشن هيبقى متاح للتحميل قريب، مُصمم لمراقبة سلامة الأغذية والتعرف على المعلومات الغذائية الكاملة للوجبات. الأبليكيشن من المتوقع إنه يربط كل الأشخاص في مجال صناعة المواد الغذائية.

قالت "نورا الشمسي"، رئيسة رئيس قسم التغذية التطبيقية والتصاريح في إدارة سلامة الأغذية، إن الأبليكيشن هيسهِّل الموضوع للأشخاص اللي بيعانوا من أنواع حساسية معينة. الهدف الأساسي من الأبليكيشن هو طمئنة أهل دبي إن اللي بياكلوه نضيف وممكن يراقبوه عشان يعرفوا بياكلوا إيه بالظبط.

أكل ولادك من الكانتين مش هيبقى أزمة، عشان من خلال الأبليكشن هتعرف بياكلوا إيه في الكانتين ومكونات كل حاجة بالظبط. وهتقدر تدوَّر على مطاعم جديدة الأبليكشن هيظهرها ليك على أساس خيارات الطعام السابقة اللي جربتها وعجبتك. كمان الأطعمة اللي بيتم استيرادها من بره وتتخزن هيكونوا قادرين يشوفوا ظروف تخزينها. يعني لو هيستوردوا شحنة لانشون فراخ، على الأبليكيشن هيبقى معروف بالظبط حجم الشحنة والحرارة اللي بيتم حفظها فيها.