تجارة العبيد في ليبيا.. الراس ب700 دينار

التاريخ بيعيد نفسه، وبعد ما كان الرجل الأوروبي بيستعبد الأفريقي، بقى دلوقتي الأفريقي نفسه بيستعبد ابن جنسه. سي إن إن عملت تقرير جديد بتفضح فيه تجارة العبيد في ليبيا، مهربين بيسهلوا الهجرة من دول زي نيجيريا والنيجر ومالي لأوروبا، لما السفر بياخد وقت وفلوس شخص بتخلص، أو لما الأعداد بتبقى كبيرة جدا، بيبتدوا يبيعوهم في مزادات كعبيد، عشان يشتغلوا في الأراضي والزراعة، الموضوع كان كله كلام مرسل، لحد ما مراسلين ال CNN سافروا ليبيا، لمكان رفضوا يقولوا اسمه عشان يحافظوا على أرواح مصادرهم، وحضروا مزاد لبيع "نيجيري" بمبلغ 700 دينار ليبي.

كمان صوروا مع شخص نيجيري مختلف قدر يدفع الفدية للشخص اللي اشتراه، ومستني يرجع تاني بلده، رغم إنه هيبتدي من الصفر وده شيء مؤلم جدا، لكن لما تقارنه بالعيش كعبد بقية عمرك، هتضطر تختار أهون العذابين.

فريق ال "CNN" قدم كل الأدلة للحكومة الليبية، اللي أعلنت إنها هتفتح تحقيق في الموضوع، في الوقت اللي حصلت فيه مظاهرات قدام السفارة الليبية في باريس للتنديد بالذل اللي بيتعرض ليه البشر هناك