"ماكدونالدز" في إنجلترا طلبوا من زبونة تقلع الحجاب علشان تاخد الأوردر
حرية دي بتقى أمك

عامل في مطعم الوجبات السريعة "ماكدونالدز" في شمال لندن، خيَّر مراهقة بريطانية مسلمة ما بين خلع الحجاب -باعتباره تهديد أمني- أو الخروج من المطعم من غير ما تاخد طلبها. البنت، اللي رفضت ذكر اسمها لأي وكالة أنباء، قالت إن الحارس هو اللي استغرب رفضها خلع الحجاب. وبسرعة قررت هي وصاحبتها يصوروا اللي بيحصل فيديو.
Here is the video of the incident, occurring at McDonald's on Seven Sister's Road in Holloway, London. pic.twitter.com/07acmBYdjB
— Sabrina (@south_sab) December 1, 2017
الفيديو انتهى والبنت بتقول: “أعيش في المملكة المتحدة منذ 19 عامًا، وهذه هي المرة الأولى التي أواجه فيها هذا النوع من التمييز. أنا مصدومة”.
صاحبتها اللي كانت معاها، “سابرينا” رفعت الفيديو على تويتر وقالت: “لماذا لا يمكنني المجيء إلى ماكدونالدز؟ لأنني أرتدي الحجاب؟ أنا آسف، ولكن هل يمكن أن أقول ذلك؟”.

الفيديو انتشر بشكل سريع وسبب حرج كبير لإدارة ماكدونالدز، فمن جانبهم ردوا على لسان المتحدثة وقالوا إن مافيش سياسة قائمة بتقيّد أو تمنع أي شخص لابس حجاب أو أي زي ديني من دخول فروع المطاعم، واعتذرت وقالت: “نحن نرحب بالعملاء من جميع الأديان ونرغب في الاعتذار للعميل، نحن نأخذ هذه المسألة على محمل الجد، ونعالج هذا الأمر مع الأفراد المعنيين”.
- الموضوع اللي فات فيسبوك منع كومنتات ستات على هاشتاج Me TOO علشان فيها كراهية للرجالة
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025