إعلان أسماء النجوم العالميين اللي هيحضروا ختام مهرجان القاهرة السينمائي

أعلن "هشام سليمان" رئيس شبكة قنوات DMC الراعي الرسمي لمهرجان القاهرة السينمائي في دورته ال39، إن حفل الختام اللي هيتعمل يوم الخميس الجي، هيحضره نجوم عالميين زي حفل الافتتاح اللي حضرته الفنانة البريطانية إليزابيث هيرلي. النجوم اللي متوقع يحضروا حفل الختام هم

نيكولاس كيدج - Nicolas Cage

ممثل ومنتج أفلام أمريكي، بطل National Treasure، وCity of angles، وAdaptation اللي اترشح عنه للأوسكار، وLeaving Las Vegas اللي أخد عنه جايزة الأوسكار

هيلاري سوانك - Hilary Swank

ممثلة أمريكية واخدة الأوسكار مرتين عن فيلم Million Dollar Baby، وفيلم Boys Don't Cry، كمان بطلة أفلام P.S. I Love You، و Insomnia

أدريان برودى - Adrien Brody

ممثل أمريكي- بولندي وفايز بجائزة الأوسكار سنة 2002 عن فيلم The Pianist

"سليمان قال إن القائمة دي نهائية ومافيش أي شخص منها اعتذر لحد دلوقتي. المهرجان ابتدى يوم التلات اللي فات واتكرم فيه النجم الكبير "سمير غانم" والفنان "ماجد الكدواني"، والفنانة "هند صبري" والمهرجان مهدي للفنانة الكبيرة "شادية".