منع عرض إعلان كريم عبدالعزيز لشبكة "WE"

أصدر المجلس الأعلى للإعلام -برئاسة مكرم محمد أحمد-، قرار بوقف بث واحد من إعلانات شركة المصرية للإتصالات "WE"، اللي بيقدمه كريم عبدالعزيز وبتدور أحداثه في أفريقيا. 

البيان الصحفي اللي طلعه المجلس الأعلى للإعلام بيقول إن الإعلان مسئ للعلاقات المصرية- الأفريقية وبيضر بمصالح الدولة المصرية في أفريقيا وبيضر الجهود اللي بتعملها مصر عشان تحسن علاقتها بالدول دي، ومنع "المجلس" بث الإعلان نهائيًا على أي قناة وقال إن أي شاشة هتعرضه هتتعرض لغرامة مالية.

والقرار ده جه بعد الشكوى اللي قدمها مساعد وزير الخارجية للشئون الأفريقية السفير خالد عمارة، ومدير إدارة الترجمات الأفريقية.