الاتحاد الأوروبي هيمنع بيع الشاورما في أوروبا

الشاورما بقت مهددة بالخطر في أوروبا! الاتحاد الأوروبي بيسعى إنه يمنع استخدام الفوسفات اللي يعتبر من أهم مكونات الشاورمة بسبب مخاطر صحية.

الفوسفات بيستخدم عشان يحافظ على رطوبة اللحمة اللي بتتطبخ على الأسياخ الحديد اللي بتلف، السُلطات بتقول إن في علاقة بين المواد اللي بتضاف على اللحمة وبين أمراض القلب. الناس اعتبرت الحركة دي تعسف ضد الشاورمة وده عشان نفس المواد بتستخدم في السجق اللي مستمرين في بيعه عادي، أصحاب المحلات الأتراك شايفين إن دي محاولة لضرب بيزنس الأكل بتاعهم هناك.