"أسبوع القاهرة للتصميم" فتح باب الحجز المبكر للدورة التالتة

ودلوقتي الحجز المبكر متاح بـ 4 أنواع من التذاكر موجودين على "TicketsMarche" تقدر تحجزهم من هنا، وهما: 

تذكرة منفردة لكل منطقة لوحدها (الزمالك وهليوبوليس ووسط القاهرة)، وتذكرة All Access اللي بتسمحلك دخول الـ 3 مواقع.

ومع أي تذكرة هتحجزها، هتقدر تحضر كل فعاليات المهرجان على مدار الـ 9 أيام كاملة، واللي بتتنوع بين المعارض، والتركيبات الفنية، والبيوت اللي بتعيد تعريف مشهد التصميم في المدينة.

كمان "أسبوع القاهرة للتصميم" بيوفر خصومات خاصة للطلاب لتشجيعهم على المشاركة بشكل أوسع.

جدير بالذكر إن "أسبوع القاهرة للتصميم" وفي خلال 3 سنين، اتحول من مجرد تجربة بتحصل في مصر الجديدة، لواحد من أكتر الفعاليات الثقافية أهمية، وده غير إنه بقى جزء من شبكة "أسابيع التصميم العالمية".

فالدورة التانية من الحدث اتعملت في مصر الجديدة ووسط البلد وقلعة صلاح الدين والمعادي والزمالك، كاستكمال لدورة أولى ناجحة شارك فيها 77 عارض، وأكتر من 60 مشارك من رواد التصميم، ولجنة من كبار الخبراء في المجال، وأكتر من 10 آلاف زائر.