القليوبية عملت أول دوري لكرة القدم النسائية بين طالبات المدارس

مديرية التربية والتعليم في محافظة القليوبية عملت أول دوري لكرة القدم النسائية بين طالبات المرحلة الإعدادية في المحافظة، وهيتم اختيار أفضل طالبات بيلعبوا كورة ودعمهم في المجال ده.

حنان الشحات، موجه عام التربية الرياضية بمديرية التربية والتعليم بالقليوبية، قالت إن البطولة دي بيشارك فيها 12 فريق نسائي بيمثلوا 12 إدارة، وبيتنافسوا استعدادا للتصفيات النهائية اللي هتتلعب على ملعب الصالة المغطاة باستاد بنها.

وأضافت "حنان" لموقع "اليوم السابع"، إن التصفيات الأولى شارك فيها كل مدارس في المحافظة عشان كل إدارة تقدر تختار فريق واحد يمثلها بعد كده، والتصفيات دي اتلعبت في شهر نوفمبر اللي فات ولغاية شهر ديسمبر من نفس السنة. وبعد ما تمت التصفيات وكل إدارة اختارت الفريق اللي هيمثلها، هندخل على مرحلة التصفيات النهائية لاختيار أول 3 فرق.

البطولة كمان كان ليها مجموعة رعاة وجوايز لأول 3 فرق، فصاحبات المركز الأول بياخدوا كاس المحافظ والفريق التاني والتالت بياخدوا ميداليات وشهادات تقدير. 

صور الموضوع من موقع "اليوم السابع"