أول معرض كتاب في مترو الأنفاق من 5 لـ 7 أكتوبر

الهيئة العامة للكتاب، المجلس الأعلى للثقافة، أكاديمية الفنون، المركز القومي للترجمة، قصور الثقافة، والمركز القومي لثقافة الطفل… كلهم هيكونوا موجودين هناك ومشاركين في المعرض.

وزير الثقافة الدكتور أحمد فؤاد هنو، قال إن المبادرة دي بتيجي بدعم من الفريق كامل الوزير، وزير الصناعة والنقل، علشان ترسخ فكرة إن الهوية والثقافة لازم تكون جزء من حياة المصري اليومية، حتى في محطات المترو.

المعرض كمان هو امتداد لمبادرات سابقة زي "نجيب محفوظ في القلب" و"السيرة الهلالية والخال الأبنودي" و"النيل عنده كتير"، اللي استخدمت شاشات المترو والقطارات في نشر الوعي الثقافي.