إزالة أكتر من 300 لافتة من عمارات وسط البلد للحفاظ على شكلها الجمالي
معرفتكش أنا كده؟
اللجنة القومية لحماية وتطوير القاهرة التراثية عقدت اجتماعها الشهرين وناقشت ضرورة الاستمرار في خطواتها اللي من ضمنها مبادرة "إحياء الثروة العقارية" اللي بدأت من شهر أغسطس، ومن ضمن خطواتها إزالة لافتات وسط البلد المخالفة، محافظة القاهرة شالت أكتر من 300 يافطة بالفعل من شوارع قصر النيل لعت حرب، عبدالخالق ثروت، الجمهورية، رمسيس، وميدان مصطفى كامل، ومتبقي شوارع في أحياء الأزبكية وعابدين وغرب القاهرة، وكل اللافتات هتتشال بحلول 15 أكتوبر المقبل.
واللجنة بتطالب أصحاب المحلات والعقارات انهم يتعاونوا معاهم عشان يحافظوا على الشكل الجمالي للقاهرة وتراثها القديم.
اللجنة القومية لتطوير وحماية القاهرة التراثية اتشكلت في أواخر 2016 بقرار من رئيس الجمهورية، وتضم في عضويتها محافظ القاهرة، ومستشار الرئيس للتخطيط العمراني، ورئيس الجهاز القومي للتنسيق الحضاري، ورئيس مجلس إدارة العاصمة الإدارية الجديدة، ورئيس الهيئة العامة للتخطيط العمراني، وخبير في إعادة هيكلة وإدارة الأصول، ورئيس اتحاد البنوك.
الصور من: منطقتي.
- الموضوع اللي فات السكة الحديد: 25% من ركاب القطارات مابيدفعوش تذاكر
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
13 فبراير 2025 -
-
-
