إلغاء إجازة الأطباء المصريين العاملين بالخارج لتعويض النقص في مصر

الدكتور مصطفى مدبولى رئيس الوزراء قال إنه هيتم وقف إجازات الأطباء العاملين بالخارج عشان سد العجز في المستشفيات المصرية، رئيس الوزراء قال إن الدكاترة لازم يرجعوا يشتغلوا في مصر ومياخدوش إجازات بدون مرتب.

الأطباء هددوا بالاستقالة من وزارة الصحة والمستشفيات الجامعية وقالوا إن ده لو تم تنفيذه هيكون باطل ومش هيحل المشكلة.

الدكتور إيهاب الطاهر، عضو مجلس نقابة الأطباء والأمين العام السابق، قال إن ده هيزود العجز بالمستشفيات ويوصل لنتيجة عكسية وهنلاقي المستشفيات فاضية أكتر. وقال في تصريحات لجريدة المال إن ده هيخلي الدكاترة يقدموا استقالة عشان يحافظوا على مرتباتهم بالخارج، وإن السنة اللي فاتت بس قدم حوالي 2000 دكتور استقالاتهم.