افتتاح مستشفى الناس بشبرا الخيمة لعلاج الأطفال بالمجان

محافظ القليوبية اللواء عبد الحمد الهجان، هيفتتح النهاردة هو وعدد من الوزراء والشخصيات العامة، مستشفى الناس الخيرية بشبرا الخيمة لعلاج الأطفال. المستشفى هي أكبر مستشفى للأطفال في أفريقيا والشرق الأوسط وبتستوعب 600 سرير وفيها 10 غرف للعمليات، و140 وحدة رعاية مركزة، و4 وحدات للقسطرة القلبية و48 عيادة خارجية.

المستشفى كان تم افتتاح المرحلة الأولى منها في أكتوبر اللي فات وهي بتتكون من 3 مباني، مساحة كل مبنى 4000 متر واتجهزت في 9 شهور بس. المشروع كله مشروع خيري تم بالجهود الأهلية وبيخضع لرقابة وزارة التضامن وبيضم أحدث الأجهزة الطبية في العالم.