التليفزيون المصري هينتج فيلم وثائقي عن قصة حياة مجدي يعقوب

قطاع القنوات المتخصصة في التليفزيون المصري هينتج فيلم وثائقي عن الدكتور مجدي يعقوب، وهيكون اسمه "أمير القلوب" ده اللي أعلنه عادل عبساوي رئيس  الإدارة المركزية للإنتاج المتميز، بقطاع "المتخصصة"على الفيسبوك وكتب: ""الإنتاج المتميز بصدد إنتاج فيلم وثائقي بعنوان (أمير القلوب) يوثق رحلة العالم والدكتور الجليل السير مجدي يعقوب في تطبيب قلوب البشر.. ليكون هذا الفيلم قدوة للجيل الصاعد بأن العطاء للبشرية هو أسمى معاني العمل".

مؤخرًا السوشيال ميديا كلها بتتكلم عن السير مجدي يعقوب بعد ما تم تكريمه من الإمارات وجمع تبرعات للمستشفى اللي بيتم بناؤه في مصر وانتشار فيديوهات مختلفة ليه وهو بيقول إنه عايز ينقل علمه لكل الناس ومايموتش وهو معاه أي شئ من علمه.